Umabot sa 2.96 milyong Pilipino ang walang trabaho noong Enero 2026, tumaas mula sa 2.26 milyon noong Disyembre 2025, ayon sa ulat ng Philippine Statistics Authority (PSA).
Sakop ng bilang na ito ang mga indibidwal na may edad 15 pataas na aktibong naghahanap ng trabaho. Ang pagtaas na ito ay nagresulta sa unemployment rate na 5.8%, mas mataas kaysa sa 4.4% noong nakaraang buwan at 4.3% noong parehong buwan noong nakaraang taon.
Batay sa datos ng PSA, sa 50.89 milyong kalahok sa labor force, humigit-kumulang 58 sa bawat 1,000 Pilipino ang walang trabaho o kabuhayan sa nasabing panahon.
Ang pagtaas ng unemployment rate ay nagpapakita ng patuloy na hamon sa merkado ng trabaho sa bansa, lalo na sa gitna ng mga pagbabago sa ekonomiya at epekto ng mga pagtaas ng presyo sa pangunahing bilihin.
