--Ads--
Nag-crash ang isang Cessna Plane sa bahagi ng Libsong East, Lingayen Pangasinan ngayong umaga.
Ayon sa Lingayen Police Station, nasawi sa aircrash ang dalawang sakay nito na isang piloto at isang student-pilot. Hindi pa inilalabas ang pagkakakilanlan ng mga biktima dahil sa kailangan pang ipaalam sa kanilang pamilya ang pangyayari.
Wala namang iniulat na iba pang nasaktan o apektadong mga residente sa pagbagsak ng eroplano habang patuloy na inaalam ang dahilan ng pagbagsak nito.
Ayon sa isa sa mga nakasaksi na si Nald Somera, pauwi na umano ito sa kanilang bahay nang makita ang eroplano na pagewang-gewang ang paglipad.
--Ads--
Hindi anya niya inakalang babagsak ito hanggang sa may mga responders nang patungo sa lugar kung saan bumagsak ang eroplano.
