CAUAYAN CITY – Umabot sa 325 personnel ng Isabela Police Provincial office (IPPO) ang naitaas ang ranggo.
Mula sa pagiging Police Corporal ay napromote silang Police Executive Master Seargeant sa Flag Raising Ceremony, Mass Oath-taking at pinning of ranks na ginanap kaninang umaga sa IPPO grounds sa City of Ilagan.
Ito ay akibidad na sabay-sabay na isinagawa para sa mga karapat-dapat na PNP personnel na maitaas ang kanilang ranggo.
Sa IPPO, ay 90 Police Chief Master Sergeant, 39 Police Senior Master Sergeant, 70 Police Master Sergeant, 30 Police Corporal at limang Patrolman at Patrolwoman ang naipromote.
Ang seremonya ay dinaluhan Rev. Father Joseph Santiago na nagsagawa ng pagbasbas sa mga rank insignias bago ang ceremonial pinning sa mga promotees sa pamamagitan ng kanilang mga mahal sa buhay.
Sa talumpati ni Provincial Director, PCol Mariano Rodriguez ng IPPO ay hinikayat niya ang mga PNP personnel na patuloy na isakatuparan ang Mision at Vision ng PNP para sa mahusay na leadership, disiplina at integridad sa serbisyo at palaging maging hangad ang paggawa ng mabuti upang maisulong ang PNP core values.
Dapat silang maging mabuting ehemplo at maging inspirasyon sa iba na maging tapat at mahusay sa serbisyo para magkaroon ng mahalagang impact sa serbisyo sa komunidad.
