Pag-aaralan ni Pangulong Ferdinand Marcos Jr. ang pagpapatupad ng 4-day work week upang makatipid ng enerhiya dahil sa pagtaas ng presyo ng langis dulot ng sigalot sa Middle East. Wala pa naman itong pinal na desisyon sa Malacañang.
Nagmungkahi rin si Senador Win Gatchalian ng apat na araw na trabaho o work-from-home setup para makatipid ng kuryente. Mas maaga, iniutos ni Marcos sa mga ahensya ng gobyerno at lokal na pamahalaan na magpatupad ng energy-saving measures.
Naglabas ang Inter-Agency Energy Efficiency and Conservation Committee ng advisory na nag-uutos ng 10% na bawas sa konsumo ng gasolina para sa gobyerno, GOCCs, SUCs, at LGUs.
Hinihikayat naman ng DTI ang mga manufacturer ng pangunahing bilihin na panatilihin ang presyo ng produkto.
Ayon kay Trade Secretary Cristina Roque, wala pang pagbabago sa presyo ng pangunahing bilihin at prime commodities, at pinag-uusapan pa rin ang posibilidad ng price freeze.
