CAUAYAN CITY – Magbibigay ng saya at aliw ang ilang singer at artista sa dalawang linggong pagdiriwang ng Gawagaway-yan Festival ng Cauayan City.
Ito ay nagsimula noong March 30, 2019 kasabay ng pagdiriwang ng 18th Cauayan Cityhood anniversary at magtatapos sa April 14, 2019.
Isinagawa kaninang umaga ang motorcade ng mga guest celebrities para sa celebrity basketball game na gaganapin mamayang 6pm sa F.L. Dy Coliseum.
Makakalaro ng Cauayan Team ang koponan ng mga celebrity na kinabibilangan nina Mark Herras, DJ Durano, JC Tiuseco, Alex Medina, Anjo Damiles, Onyok Velasco, Paulo Hubalde at Rob Ricafort.
Inaasahang dadagsain ng mga mamamayan lalo na ng mga mahilig sa larong basketball ang celebrity basketball game.
Samantala, bukas, April 4, 2019, dakong 8am ay isasagawa ang libreng SMEs seminar ng Filipino-Chinese Chamber sa Bamboo Hall.
Dakong 4pm ay gaganapin ang 1st Mobile Legends Tournament sa festival grounds.
Sa Biyernes, April 5, 2019 dakong 5pm ay ang Cast Away Music Festival sa SM Cauayan City tampok sina Barbie Almalbis at Kean Cipriano.
Dakong 6pm sa April 6, 2019 ay ang Mutya ng Cauayan 2019 Swimsuit Competition sa D’Spot Rail Park at dakong 6pm ang Fundraising Concert ni Karylle Yuson.
Sa April 7, 2019 ay marami pa ring aktibidad ang isasagawa para sa pagdiriwang ng Gawagaway-yan Festival tulad ng Carabao Race at Palarong Panlahi sa Hacienda de San Luis.
Dakong 6pm ay gaganapin ang Gabi ng Kabataang Cauayenio sa F.L. Dy Coliseum na susundan ng Concert for the Youth kasama si Juan Karlos dakong 10 hanggang 11 ng gabi.
Sa April 9, 2019 ay gaganapin ang Job Fair sa SM dakong 8am hanggang 5pm.
Ang street dance parade ay isasagawa dakong 4pm habang ang street dance showdown dakong 6pm sa F.L. DY Coliseum.
Sa April 12, 2019 ay isasagawa ang Farmers Day dakong 8am at sa gabi ay gaganapin na ang highlight ng festival.
Ito ang Mutya ng Cauayan 2019 grand coronation night dakong 7pm sa F.L. Dy Coliseum.
Dakong 8pm ay ang pagtatanghal sa banchetto area ng singer na si Myrtle Sarrosa.
Marami pang mga aktibidad ang isasagawa hanggang April 14, 2019 huling araw ng Gawagaway-yan Festival tampok ang Fun Bike 2019, Car show at concert sa gabi.
