Surprise drug test sa mga opisyal ng BJMP at mga bilanggo, isinagawa sa Quirino, lahat nag-negatibo

CAUAYAN CITY – Nagsagawa ng surpise drug test ang mga kasapi ng PNP Crime Laboratory at Scene of the Crime Operatives sa mga kawani ng Bureau Jail Management and Penology o BJMP district Jail Cabarroguis, Quirino.

Isinailalim sa suprise drug test ang 29 na kawani ng BJMP Cabarroguis sa pamumuno ng kanilang jail warden na si Jail Senior Inspector Angelito Delasa.

Maging ang 181 na inmates mula sa anim na dormitoryo ng BJMP Cabarroguis District Jail ay isinailalim din sa drug test.

Ikinatuwa ni Jail Senior Inspector Angelito Delasa dahil nag-negatibo sa drug test ang 29 na mga kawani at opisyal ng . BJMP at maging ang mga bilanggong isinailalim sa drug test ay nagnegatibo rin.