Top 2 wanted person sa Ifugao na may kasong rape, arestado sa Isabela

CAUAYAN CITY – Inaresto sa San Mariano, Isabela ang Top 2 wanted person sa lalawigan ng Ifugao na nahaharap sa kasong rape.

Ang suspek ay si Merly Palos, 55 anyos, tubong Ifugao, at kasalukuyang residente ng San Jose, San Mariano, Isabela.

Sa nakuhang impormasyon ng Bombo Radyo Cauayan, inaresto ang suspek sa bisa ng warrant of arrest na ipinalabas ni Judge Ester Piscoso-Flor ng Regional Trial Court Branch 14 ng Banaue, Ifugao.

Ipapasakamay ng San Mariano Police Station si Palos sa pulisya sa Hungduan, Ifugao.