I run For Taal na bahagi ng Bambanti Festival, nilahukan ng libu libong katao

CAUAYAN CITY– Umabot sa mahigit labing tatlong libo ang lumahok sa I run for Taal na bahagi ng Bambanti Festival 2020 upang makatulong sa mga biktima ng pag-aalburuto ng Bulkang Taal sa Batangas.

Sa panayam ng Bombo Radyo Cauayan, inihayag ni Board member MM Albano na karamihan o 60% sa mga dumalo sa I run for Taal ay mga kabataang mag-aaral.

Bukod sa mga kabataang mag-aaral ay dumalo sa I Run for Taal ay mga mamamayang Isabelino at mga opisyal ng Isabela.

Inihayag ni Albano na nakalikom sila ng mahigit 1.2 million piso sa isinagawang I run For Taal.

Ang nalikom na pondo ay ibibili ng bigas na dadalhin sa batangas para sa mga nangangailangang biktimang ng pagsabog ng Bulkang Taal.