CAUAYAN CITY– Dinakip ang Isang LGU employee matapos masamsaman ng mga pampasabog at baril sa isinagawang search warrant sa tahanan nito sa Brgy. Poblacion, Aritao, Nueva Vizcaya,
Sa nakuhang impormasyon ng Bombo Radyo Cauayan sa Nueva Vizcaya Police Provincial Office, inilatag ang oplan paglalansag omega na nagresulta sa pagkakadakip ni Elmer Peralta, 57 anyos, Aritao LGU employee at residente ng nabanggit na Lugar.
Pinangunahan Ang pagsisilbi ng Search Warrant ng mga otoridad ng Nueva Vizcaya Provincial Field Unit-CIDG Regional Field Unit 2 kasama ang Aritao Police Station, 2nd NVPMFC, NVPPO PIU at Nueva Vizcaya PECU na nagresulta sa pagkakaaresto ng pinaghihinalaan.
Nakuha sa tahanan ng pinaghihinalaan ang Isang unit ng 60 mm Mortar bomb high explosive, 2 magazine ng Cal. 45, mga Live Ammunition ng 9mm, isang Cal. 22 Pistol na naglalaman ng magazine,
Nasamsam din ang isang Armalite Carbine 5.56 mm Airsoft na naglalaman ng magazine, Isang Marksman 2004 Airsoft at Cal.22 airsoft na may empty magazine at Isang bottle copperhead pellet.
Ang operasyon ay sinaksihan ng mga opisyal ng barangay na nagtagal ng humigit kumulang limang oras.
Dinala ang pinaghihinalaan at ang nasamsam na mga pampasabog at baril sa Aritao Police Station .
Inihahanda na ang mga dokumento para sa pagsasampa ng kasong paglabag sa Republic Act 10591 (Illegal Possession of Firearms) laban sa pinaghihinalaan .
