Kotse na binalot ng LED lights, nakatanggap ng Guinness Records

Isang Nissan Skyline R34 na may 43,860 LED lights ang opisyal na tinanghal ng Guinness World Records bilang “most LED lights on a car.”

Tinalo nito ang dating record na 37,671 LED lights noong 2020 sa Dubai.

Pagmamay-ari ito ni Alix Wilding mula UK, na inayos at binago ang sasakyan mula sa sira-sirang kondisyon.

Bukod sa pagpapalit ng kulay at pagpapakita ng patterns, kaya rin nitong ipakita ang Guinness World Records logo sa hood.

Gayunman, hindi ito maaaring patakbuhin sa kalsada dahil natatakpan ang rear windscreen at sobrang liwanag nito sa kalsada na maaring magdulot ng aksidente.