Pangulo ng Bangladesh, nagbitiw sa puwesto dahil sa lumalalang kondisyon sa kalusugan

Nagbitiw sa puwesto si Bangladesh President Mohammed Shahabuddin matapos banggitin ang lumalalang kondisyon ng kanyang pisikal at mental na kalusugan.

Sa kanyang liham ng pagbibitiw na ipinadala sa Speaker ng Parliament, sinabi ng 76-anyos na pangulo na hindi na niya kayang gampanan nang maayos ang mga tungkulin ng kanyang posisyon.

Kinumpirma rin ni Shahabuddin sa AFP ang kanyang pagbibitiw, bagama’t hindi na siya nagbigay ng iba pang detalye.

Si Shahabuddin, na kaalyado ng dating Prime Minister na si Sheikh Hasina, ay nahalal bilang pangulo noong 2023 sa suporta ng Awami League. Naging sentro rin siya ng panawagang magbitiw matapos mapatalsik si Hasina sa pamamagitan ng pag-aalsa ng mga estudyante noong 2024.