Sasabak si Filipina tennis star Alex Eala sa WTA 1000 Dubai Tennis Championships ngayong Linggo, matapos makapasok direkta sa main draw ng torneo.
Makakaharap ni Eala ang isang qualifier sa opening round.
Kung papalarin, haharapin niya ang world no. 8 Jasmine Paolini, na kampeon ng Dubai noong 2024.
Una siyang binigyan ng wild card, ngunit nakakuha ng direct entry matapos umatras si McCartney Kessler ng U.S. dahil sa injury sa likod.
Galing si Eala sa pagkatalo kay Tereza Valentová sa Qatar Open, ngunit bago iyon ay umabot siya sa quarterfinals ng Abu Dhabi Open kontra world no. 11 Ekaterina Alexandrova.
Samantala, Hindi makakalaro sa torneo sina Aryna Sabalenka at Iga Świątek, ang top 2 players sa mundo.
Isa ang Dubai sa pinakamalalaking torneo ng WTA, may 56-player singles draw at 28-team doubles field, na may kabuuang prize money na higit $4 milyon.
