CAUAYAN CITY- Isang nakagugulantang na insidente ang yumanig sa Sitio Ugan, Lutac, Naga, Cebu.
Ito ay matapos na matuklasan ang malamig na bangkay ng mag-iina na pawang nagtamo ng sugat sa leeg.
Ang suspek sa karumaldumal na krimen ay si “Carlo,” na brutal na pinatay ang kaniyang asawa at dalawang anak gamit ang isang itak.
Ayon sa mga awtoridad, nakita si Carlo na nag-aamok at wala na sa tamang pag-iisip.
Pinaniniwalaan ding gumagamit ito ng ilegal na droga, dahilan upang maganap ang karumal-dumal na krimen.
Hanggang sa ngayon ay patuloy na pinaghahanap si Carlo ng mga pulis matapos tumakas mula sa pinangyarihan ng krimen.
Ang mga residente ng lugar ay lubos na nababahala at nananawagan ng agarang hustisya para sa mga biktima.
Sa ngayon, patuloy ang imbestigasyon ng mga otoridad ukol sa kagimbalgimbal ng insidente ng pagpatay.
