CAUAYAN CITY- Nakakasunod umano ang iba’t ibang ahensya ng Gobyerno sa Civil Service Commision Memorandum Circular No. 16 na nag-aatas sa mga Government Employee na magsuot ng ASEAN Inspired na kasuotan tuwing unang lunes ng Buwan at Filipinian Inspired naman sa mga susunod na Lunes.
Sa naging panayam ng Bombo Radyo Cauayan kay Atty. Marites Lappay, Regional Director ng CSC Region 2, sinabi niya na hindi na bago ang pag-susuot ng ASEAN ngunit may naidagdag lamang sa prescribed Dresscode.
Gayunpaman ay mayroon pa rin silang natatanggap na mga concerns mula sa ilang mga empleyado pangunahin na sa mga Guro na hindi well-ventilated ang kanilang mga silid-aralan.
Dahil dito ay pinahihintulutan naman umano nila ang iba’t ibang mga ahensya na gumawa ng kanilang internal rules para sa dresscode ngunit ito data ay naisangguni sa kanilang tanggapan.
Mayroon umanong corresponding penalty o offense na maaaring ma-commit kung sakaling hindi nakasunod ang isang empleyado.
