--Ads--
CAUAYAN CITY – Naaresto ang isang binata sa isinagawang anti-illegal drug buy-bust operation sa Baringin Sur, Cauayan City.
Ang suspek na kilalang Street Level Individual ay si John Bernard Esteban, 22-anyos, binata at residente rin ng naturang lugar.
Nasamsam sa pag-iingat ng suspek ang 11.33 grams ng pinatuyong dahon ng marijuana na tinatayang nagkakahalaga ng P1,360 at tatlong maliit na pakete na naglalaman ng 0.36 grams ng hinihinalang shabu na tinatayang nagkakahalaga ng P1,000 at ang buy-bust money na P3,000.
Sa ngayon ay nasa kustodiya na ng Cauayan City Police Station ang pinaghihinalaan para sa imbestigasyon at kaukulang disposisyon.
--Ads--
