Chinese embassy itinanggi na sangkot sila sa pang-iispiya sa Pilipinas

Itinanggi ng Embahada ng China sa Pilipinas na sangkot ang China sa pang-iispiya.

Ayon kay Chinese Embassy spokesperson Ji Lingpeng na mahigpit na sinusunod ng China ang principle ng non-interference sa ibang mga bansa.

Mahigpit aniya nilang kinokondina ang pahayag ng National Security Council (NSC) ukol sa alegasyon ng pang-iispiya.

Magugunitang ibinunyag ng NSC na mayroong ilang empleyado ng gobyerno ang kanilang naaresto na sangkot sa pang-iispiya.

Ang mga ito aniya ay binayaran ng China para magbigay ng mga sensitibong impormasyon.