CAUAYAN CITY – Bumaba na ang mga pasyente sa COVID-19 sa Cagayan Valley Medical Center (CVMC) sa Tuguegarao City.
Sa naging panayam ng Bombo Radyo Cauayan, inihayag ni Dr. Glen Matthew Baggao, Medical Center Chief ng CVMC na napakalaki ang ibinaba ng bilang ng COVID-19 patients na ginagamot ngayon na nasa 138 kumpara sa mga nagdaang araw na umabot ng 180 hanggang 190 .
Sa 138 na bilang ay 121 confirmed COVID-19 cases habang labimpitu ang suspect case.
Sa nasabing bilang ay 84 ang mula sa lalawigan ng Cagayan at ang Tuguegarao City ang may pinakamataas na umabot sa 53.
Tatlumput isa ang galing sa Isabela; 7 sa Lunsod ng Ilagan; 5 sa Cabagan, tig-tatlo sa Reina Mercedes at Tumauni, apat sa Roxas, dalawa sa Santo Tomas at tig-iisa sa mga bayan ng Gamu, San Mateo, San Pablo, Benito Soliven, San Agustin, Delfin Albano at Naguillian.
Sa Batanes ay may anim na dinalang pasyente sa CVMC at isa na lamang ang naka-confine at nakatakda nang lumabas ngayong araw.
Tatlong COVID-19 patients ang mula sa Kalinga at dalawa sa Conner, Apayao.
Umaasa si Dr, Baggao na bababa pa ang kaso ng COVID-19 ay dahil mabilis na ang vaccination rollout at pagsunod ng mga health protocols ng mga mamamayan tulad ng pagsusuot ng face mask, face shield ay pagsunod sa social distancing.
Nanawagan siya sa mga mamamayan na magpabakuna na dahil ligtas ang bakuna at ito lamang ang makapagbibigay ng proteksiyon sa bawat Pilipino.
