Magsasagawa ng libreng Surgical Mission ang Cagayan Valley Medical Center o CVMC katuwang ang pamahalaang Panlalawigan ng Isabela sa ikaapat hanggang ikalima ng Abril.
Sa naging panayam ng Bombo Radyo Cauayan, inihayag ni Dr. Glenn Matthew Baggao, Medical Center Chief ng Cagayan Cagayan Valley Medical Center na ang surgical mission na isasagawa ay lalahukan ng mga taga Isabela na may cataract, cleft lip o gusing at may bukol maging ang mga nais sumailalim sa operation tuli.
Kailangan pa rin nilang ipatupad ang mga health protocols sa isasagawang surgical mission.
Magsasagawa ng screening sa Gov. Faustino N. Dy Hospital sa mga pasyente pangunahin na sa mga senior citizens na may cataract at dapat ay may clearance sa internist.
Hindi anya lilimitahan ang mga pasyenteng isasailalim sa operasyon basta makapasa sa isasagawang screening.
