Dating aktor arestado matapos barilin ang sariling kaibigan

Inaresto at nakulong si John Wayne Sace matapos nitong mapatay ang isang 43-anyos na biktima sa Pasig City.

Sa inisyal na ulat ng Pasig City Police, ilang beses na pinagbabaril ni Sace ang biktima na pinaniniwalaang kaibigan nito na ikinamatay nito.

Nangyari ang insidente noong Oktubre 28 ng 7:30 PM, ilang oras bago ibinahagi ng dating aktor ang misteryosong post sa kanyang Facebook page noong Martes ng gabi.

Si Sace ay isang Star Magic Artist na lumabas sa ilang TV Shows kabilang ang “Home along da Riles,” “Spirits,” “May Bukas Pa,” “Guns and Roses” at “Ang Probinsyano” at naging bahagi ng 2002 film na “Dekada ’70.”