Guro na walang takot na inakyat ang mataas na flagpole para ikabit ang tali, kinagiliwan ng mga netizens

Kinagigiliwan ngayon ang isang guro dahil sa pagpapakita niya ng dedikasyon sa kaniyang sinumpaang tungkulin.

Sa Video na ibinahagi ni School Principal Arlene Castillo ay makikita si Teacher Carol Baro Figuro ng Savidug Elementary School sa Sabtang, Batanes na umaakyat sa flagpole para mailagay ang natanggal na tali ng bandila.

Umani naman ng iba’t ibang reaksyon sa netizen ang ginawa ng guro.

Si Teacher Carol Figuro ay isang master teacher na nagtuturo sa Savidug Elementary School sa loob ng apat na taon.

Araw-araw, naglalakbay siya ng humigit-kumulang 14 na kilometro upang magturo sa kanyang 19 na estudyante.

Ang kanyang kahandaang magsakripisyo para sa kanyang mga estudyante ay nagdulot ng papuri mula sa marami.