Ipinagbawal muna ng Department of Agriculture (DA) ang importasyon ng animal products mula Germany.
Kasunod ito ng outbreak ng foot-and-mouth disease (FMD) sa mga hayupan sa naturang lugar.
Nag-abiso ang Germany sa World Organization for Animal Health (WOAH) hinggil sa kumpirmadong FMD cases sa domestic buffaloes sa bayan Hoppegarten, Märkisch-Oderland, Brandenburg sa Germany.
Noong 2024, nag-import ang Pilipinas ng 3,177.5 metric tons ng baka mula Germany.
Nilinaw ni Agriculture Secretary Francisco P. Tiu Laurel Jr., na ang import ban ay mananatili hangga’t hindi pa nakakakuha ng FMD-free status mula sa World Organization for Animal Health ang Germany.
Gayunman, exempted sa ban ang ultra-high temperature milk at derivatives, heat-treated meat products na nasa hermetically sealed containers, protein meal at gelatin, in vivo-derived bovine embryos gayundin ang limed hides, pickled pelts, at semi-processed leather.
