CAUAYAN CITY – Handa na ang Incident Management Team o IMT sa gaganaping inauguration rites ngayong araw ni Mayor Elect Jaycee Dy.
Sa naging panayam ng Bombo Radyo Cauayan kay POSD Chief Pilarito Mallillin, sinabi niya na mayroon na silang mga naitalagang incident commanders.
Bahagi ng IMT ang Bureau of Fire Protection, Rescue 922, POSD at Cauayan City Police Station.
Magsisimula mamayang alas tres ng hapon ang inagurasyon na gaganapin sa Isabela Convention Center.
Inaasahan ang pagdating ng dalawang senador at mga matataas na pinuno ng pamahalaang panlalawigan ng Isabela at mga opisyal ng Lunsod ng Cauayan.
Isasarado ang mga daan sa FLDY Coliseum at sa Dalupang Street dahil magkakaroon ng salu-salo sa mismong bahay ni Vice Gov. Bojie Dy.
Ayon kay POSD Chief Mallillin, ipapatupad pa rin ang pagsusuot ng face mask at pagsunod sa social distancing upang makaiwas sa covid-19.
Hiniling nito sa mga tricycle drivers na maging mapagpasensiya dahil tiyak na magiging mabigat ang daloy ng trapiko sa mga lansangan sa lunsod.
