SANTIAGO CITY – Natagpuang wala ng buhay ang isang lolo sa barangay Mabini.
Ang biktima ay si Jaime Mateo, walumpu’t limang taong gulang at residente ng nabanggit na lugar.
Sa nakuhang impormasyon ng Bombo Radyo Cauayan sa Santiago City Police Office o SCPO Station 4, agad nagtungo sa lugar ang mga otoridad matapos na makatanggap ng impormasyon tungkol sa pagkakatagpo sa biktima.
Napag-alaman na nagtungo sa bahay ng biktima ang tagalaba nito at nakita na lamang ang wala ng buhay na katawan nito kaya agad na humingi ng tulong sa kanyang mga kapitbahay.
May pamilya pa ang bitkima subalit mas gusto nitong mamalahi sa malapit sa fishpond.
Malapit lamang ito sa kabahayan at bansang alas singko ng umaga ay narinig pa nila itong umubo at natagpuan namang wala ng buhay dakong alas nuebe ng umaga.
Para wala ng agam-agam ang pamilya ay ipina-awtopsiya ang bangkay ng biktima at lumabas na cardiac arrest ang ikinamatay nito.
