CAUAYAN CITY- Sugatan ang hepe ng Sta Ana Municipal Police Station matapos na maaksidente at tumaob ang minamaneho nitong kotse sa kahabaan ng Sitio Limbus Brgy. Rapuli, Sta Ana, Cagayan.
Ang biktima ay si PMaj. Ranolfo Gabatin, ang chief of Police ng Sta Ana Police Station na residente ng Centro East, Sta Terisita, Cagayan.
nakilala naman ang suspect na si Joseph Munzon , 56-anyos, magsasaka, na residente ng Sitio Racat Brgy. Rapuli, Sta Ana, Cagayan.
sa pagsisiyasat ng Sta Ana Police Station na pag alaman na kapwa binabagtas ng van at kotse ang Sitio Limbus Brgy. Rapuli patungo sa Brgy. Diora-Zinungan.
Nang makarating sa lugar ng insidente binusinahan umano ni PMaj. Gabatin ang van at nag signal na mag overtake, nasa proseso na umano ng pagbalik sa linya ang kotse ng biglang masalpok ng van ang likurang bahagi ng sasakyan na naging sanhi para mawalan ito ng kontrol at tumaob ang sasakyan.
Nagtamo ng sugat sa iba’t ibang bahagi ng katawan si PMaj. Gabatin na agad namang dinala ng mga rumespondeng rescue team sa Father Gerry Filippeto Memorial Hospital in Brgy. Sta Cruz, Sta Ana, Cagayan.
Sa ngayon si Munzon maging ang mga sangkot na sasakyan ay dinala na sa Sta Ana Police Station para sa kaukulang disposisyon.
