Nasungkit ng world No. 2 na si Jannik Sinner ang kampeonato sa Miami Open matapos talunin si Jiri Lehecka, 6-4, 6-4.
Nadagdagan nito ang kanyang titulo sa Indian Wells Masters, kaya nakumpleto niya ang tinatawag na Sunshine Double. Siya ang unang manlalaro na nakagawa nito mula kay Roger Federer noong 2017 at unang nakagawa nito nang hindi natatalo sa kahit isang set.
Ito na ang ikatlong sunod na Masters 1000 title ni Sinner, kasunod ng panalo niya sa Paris Masters noong nakaraang taon.
Sa women’s side, nagwagi naman si Aryna Sabalenka laban kay Coco Gauff, kaya parehong nakuha ang Indian Wells at Miami titles sa men’s at women’s division—unang nangyari mula kina Novak Djokovic at Victoria Azarenka noong 2016.
Sa kabila ng mga pagkaantala dulot ng ulan, nanaig si Sinner sa laban matapos magpakawala ng malalakas na serve at kontrolin ang laro mula simula hanggang dulo.
