CAUAYAN CITY – Naghahanda na ang koponan ng Cagayan Valley Regional Athletic Association o CAVRAA matapos makapasok sa Final 8 sa men’s artistic gymnastics sa Palarong Pambansa 2017 sa San Jose, Antique.
Sa nakuhang impormasyon ng Bombo Radyo Cauayan mula kay Mr. Regie Benigno, coach ng gymnastics secondary, pasok sa Final 8 para sa secondary level sina Mhelvin Reyes ng Quirino Province, Jay-ar Flores ng Nueva Vizcaya at Justine Valencia ng Cagayan.
Habang pasok naman sa men’s artistic gymnastics elementary level sina Lorenzo Grospe ng Quirino Province at Jorenz Mariano ng Nueva Vizcaya.
Ayon pa kay Coach Benigno, labis ang kanilang pasasalamat dahil sa dami nang kanilang kalaban ay mapalad silang nakapasok.
Ang iba pang pasok sa Final 8 ay ang koponan ng NCR, Regions 12, 4A, 1, 3, 6, at CARAGA Region.
