--Ads--
CAUAYAN CITY – Arestado ang isang laborer sa ikinasang anti illegal drug buybust operation ng mga otoridad sa lunsod.
Kinilala ang pinaghihinalaan sa pangalang Jayson Lascuña labing walong taong gulang at residente ng Brgy. Minante Uno.
Pinangunahan ng Cauayan City Police Station ang operasyon sa koordinasyon ng PDEA Region 2 na nagresulta ng pagkakadakip kay Lascuña.
Nakuha sa pag iingat ng pinaghihinalaan ang isang pakete ng hinihinalang shabu na nagkakahalaga ng tatlong daang apatnapung piso.
--Ads--
Nakuha rin sa pag iingat nito ang isang improvised na baril at isang libong pisong buybust money, isang cellphone at isang sling bag.
Dinala ang pinaghihinalaan sa Cauayan City Police Station para sa kaukulang dokumentasyon at maayos na disposisyon.
