--Ads--
CAUAYAN CITY – Dinakip ng pulisya ang isang lalaki sa isinagawang drug buy-bust operation sa Centro 2, Angadanan, Isabela.
Ang pinaghihinalaan ay si alyas “Vito”, 35-anyos at residente ng Angoluan, Echague, Isabela.
Nakuha sa kanya ang P1,000 na ginamit na buy-bust money at dalawang pakete ng hinihinalang shabu na nagkakahalaga ng P6,120.
Nasamsam din sa kanyang pag-iingat ang isang cellphone, motorsiklo, lighter, at nakarolyong aluminum foil.
--Ads--
Dinala ang suspek maging ang mga nasamsam na ebidensya sa Angadanan Police Station para sa dokumentasyon at kaukulang disposisyon para sa pagsasampa ng kaukulang kaso.
