Magsasaka, patay matapos bumangga ang kanyang motorsiklo sa nakaparadang sasakyan

• 

CAUAYAN CITY- Patay ang isang magsasaka matapos bumangga ang kanyang motorsiklo sa nakaparadang sasakyan sa San Mateo, Isabela.

Ang biktima ay si Efren Valenzuela, 46 anyos, may-asawa at residente ng Salinungan West, San Mateo, Isabela.

Si Valenzuela ay agad dinala sa Integrated Hospital ngunit habang ginagamot ay binawian ng buhay dahil sa mga malalang sugat sa katawan.

Lumabas sa pagsusuri ng doctor na lango sa alak nang maaksidente ang biktima kaninang hapon.