--Ads--

CAUAYAN CITY- Matagumpay na naaresto ang isang magsasaka sa Purok 1 Brgy. Cabannungan 1st, City of Ilagan, Isabelai.

Kinilala ang naturang suspek na si alyas “Boyet” na napasakamay ng kapulisan ng Ilagan Component City Police Station sa pamamagitan ng pagsasagawa ng buy-bust operation.

Nakumpiska mula sa pag-iingat at kontrol ng suspek ang mga sumusunod: Isang (1) unit ng Smith & Wesson caliber 22 revolver (buy-bust item); Isang (1) piraso ng genuine Php1, 000.00 Peso Bill at Pitong (7) piraso ng Php1,000.00 (scanned/boodle money); Isang (1) piraso ng stainless kitchen knife na may kulay pucha/pink na hawakan at may takip na kulay itim.

Dinala ang nasabing suspek maging ang nasamsam na  ebidensya sa himpilan ng Ilagan CCPS para sa dokumentasyon. Maaaring maharap ang suspek sa kasong paglabag sa R.A. 10591 (Comprehensive Firearms and Ammunition Regulation Act) at BP 881 na may kaugnayan sa COMELEC Resolution No. 11067 (Omnibus Election Code).

--Ads--