--Ads--
CAUAYAN CITY – Namatay ang isang magsasaka makaraang matabunan ng lupang kanyang hinuhukay sa Kayapa, Nueva Vizcaya.
Ang biktima ay si Nason Window, 62, balo, at residente ng Pangawan, Kayapa, Nueva Vizcaya.
Lumabas sa pagsisiyasat ng Kayapa Police Station na naghuhukay ang biktima ng lupa upang mapatag ang gilid ng bundok subalit biglang gumuho ang lupa sanhi para matabunan siya ng buhay.
Kaagad namang hinukay ang biktima ng mga nakakita at dinala sa pagamutan ngunit idineklarang dead on arrival ng kanyang attending physician.
--Ads--
