Pinarangalan ang mga piling guro at mag-aaral mula sa iba’t ibang paaralan sa Lambak ng Cagayan bilang pagkilala sa kanilang husay at natatanging ambag sa campus journalism, sa ginanap na Mayor’s Night ng Regional Schools Press Conference (RSPC) kagabi, Enero 29.
Ayon sa mga guro na kabilang sa mga RSPC Regional Schools Press Conference, labis ang kanilang pasasalamat dahil hindi nila inaasahan na makatatanggap sila ng ganitong parangal sa kanilang buhay propesyonal. Gayundin, ilang mag-aaral mula sa elementarya at sekondarya ang kinilala sa iba’t ibang kategorya ng campus journalism.
Sa Outstanding School Paper Adviser (Secondary Level), nakatanggap ng certificate of recognition ang mga sumusunod:Maria Karla Celene Dacuraon – Cauayan City Stand Alone Senior High School, Cauayan City, Desiree Callangan – University of Saint Louis, Tuguegarao City, Don Angelo De Guzman – Tumauini Stand Alone Senior High School, Verna Galinato – Diffun National High School, DepEd Quirino, Christian Jay Tacata – Divisoria High School, Santiago City, Erwin Joseph Dumelod – Nueva Vizcaya General Comprehensive School at Ethel Galapon ng Claveria School of Arts and Trades
Para naman sa Most Outstanding School Paper Adviser (Elementary Level), kinilala ang mga sumusunod:Rheanel Esquejo Sarmiento – Solano East Central School Integrated SPED Center, Nueva Vizcaya, Racquel Abad – Ilagan South Central School, Ilagan South District, Arnel Ariola – Cauayan North Central School, Dr. John Kit Masigan – St. Paul University Philippines, Tuguegarao City, Jocelyn Maneja – Aurora Central School, Isabela, Dave Batay-an – Santiago City East Central School, Santiago City, Chester Viloria – Dibalio Elementary School, lalawigan ng Cagayan, Juliette Domingo – Zamora Elementary School, Diffun, Quirino
Samantala, sa Most Outstanding Campus Journalist (Elementary Level), pinarangalan si Jordel Delapaz – East Central Integrated School, Clinth Ivan Galiguis – Zamora Elementary School, Clearly Amber Zhaia Agumboy – Sto. Niño Central School, Noah Buhangin – Turayong, Cauayan City, Buen Sirib Acosta – Ilagan East Integrated SPED Central School, Bernardo Miguel Narag – Tuguegarao North Central School, Cassandra Krizette Reyno – Santiago West Central School, Erich Sait – San Mateo Central School
Sa pakiki-pagpanayam ng Bombo Radyo Cauayan kay Christian Diether Costales, isa sa pinarangalan bilang Most Outstanding Campus Journalist (Secondary Level), sinabi nitong hindi ito ang kauna-unahang pagkakataon na siya ay nakapag-uwi ng karangalan para sa kanilang paaralan at lalawigan.
Aniya, nasubukan niya na rin makapunta sa pambansang kompetisyon o NSPC kung saan nakamit niya ang pang pitong pwesto noong nakaraang taon.
Ang naturang parangal ay bahagi ng mga aktibidad ng Regional Schools Press Conference na layong kilalanin at palakasin ang kakayahan ng mga guro at mag-aaral sa larangan ng pamamahayag.
