Nasawi ang isang lalaki matapos sumalpok ang minamaneho nitong motorsiklo sa isang mini bus sa Villa Magat, San Mateo, Isabela.
Ang biktima ay kinilalang si Aeron Jay Abuan Adaya, residente ng Sinamar Norte, San Mateo, Isabela habang ang Tsuper naman ng Mini bus ay si Christian April Borromeo.
Sa naging panayam ng Bombo Radyo Cauayan kay Christian April Borromeo, sinabi nito na noong maganap ang insidente ay paliko na sana siya papasok sa kanilang garahe ngunit bigla na lamang may sumalpok sa minamaneho nitong sasakyan.
Dali-dali umano silang bumaba at dito nila nakita ang biktima na nakabulgta na sa daan.
Naitakbo pa naman umano ito sa pagamutan ngunit binawian din ng buhay.
Sa ngayon ay nasa kustodiya na ng San Mateo Police Station ang tsuper ng Minibus para sa kaukulang disposisyon habang inaantay ang pag-uusap ng magkabilang panig.
