CAUAYAN CITY – Isinagawa kagabi ang opening ceremony ng 2023 Cagayan Valley Regional Association of State Universities and Colleges o 2023 CAVRASUC sa City of Ilagan Sports Complex.
Sa naging panayam ng Bombo Radyo Cauayan, inihayag ni Dr. Alfonso Simon Executive Officer ng ISU -Ilagan Campus na ang host ngayon ng CAVRASUC ay ang Isabela State University katuwang ang pamahalaang Lunsod ng Ilagan.
Ang CAVRASUC ay dinadaluhan ng mga State and colleges sa ikalawang rehiyon na kinabibilangan ng Isabela State University, Cagayan State University, Nueva Vizcaya State University, Quirino State University, Batanes State College at Philippine Normal University North Luzon.
Sinabi ni Dr. Simon na naging madali at maganda ang kanilang paghahanda sa CAVRASUC dahil sa tulong ng pamahalaang Lunsod ng Ilagan.
Nagtanghal naman sa opening ceremony ang mang-aawit na si Sheryn Regis.
Naging Host ang pamahalaang Lunsod ng Ilagan para sa Fellowship Night o Mayor’s Night na dinaluhan ng mga opisyal ng mga state universities Colleges sa Lambak ng Cagayan.
Nagtapos naman ang opening ceremony ng CAVRASUC sa Grand fireworks display.
Samantala, sinabi ni Dr. Simon na handa ang ISU sa mga sporting events dahil ang kanilang mga delegado ay galing sa siyam na ISU campus at extension campus sa Palanan at lungsod ng Santiago.
