Kinoronahan bilang Queen Isabela 2025 ang pambato ng Cauayan City na si Binibining Jarina Sandhu.
Magiging representative rin sa Miss Universe Philippines si Ms. Sandhu matapos na itinanghal bilang Miss Universe Philippines Isabela 2025.
Maliban sa korona at titulo, humakot din ng special at Minor awards si Bb. Jarina kabilang na rito ang Miss Pua Aesthetics Ambassadres, Ms. Multi Cuisine, Social Media Muse, Best in Evening Gown, at Best in Swimwear.
1ST runner up naman ang pambato ng Echague Isabela na si Bb. Jhudiel Taguinod habang 2nd runner up ang pambato ng Ramon Isabela na si Bb. Criselle Anne Gregorio.
Nakuha naman ni Bb. Mhira Angelene Valenciano ng Cordon Isabela ang Queen Isabela Tourism 2025 habang Queen Isabela Culture and Arts 2025 naman si Bb. Johnlene Ariola ng City of Ilagan.
Itinanghal naman bilang Miss Congeniality si Bb. Aira Joy Mariano ng Dinapigue Isabela habang Miss Photogenic naman si Bb. Angel Gutierrez ng Naguilian Isabela.
Ang mga judges naman sa nasabing patimpalak pagandahan ang King of the World Philippines Tourism 2024 na si Cas Villones, Award winning Movie Actress na si Angel Aquino at Miss Universe Philippines Ariela Arida.
