CAUAYAN CITY – Umabot na sa 12 sako ng bigas ang naihatid ng Tactical Operations Group 2 (TOG2) ng Philippine Airforce sa Palanan, Isabela bilang bahagi ng malawakang relief operations ng pamahalaang panlalawigan ng Isabela.
Sa naging panayam ng Bombo Radyo Cauayan kay Col Augusto Padua, commander ng TOG 2, sinabi niya na sa pakikipag-ugnayan sa Provincial Social Welfare and Development Office (PSWDO) ay boluntaryo nilang ibinigay ang kanilang serbisyo.
Gamit ang dalawang helicopter ay matagumpay nilang naihatid ang 12 na sako ng bigas sa Palanan, Isabela.
Nasa 40 minuto aniya ang ginugol nila sa himpapawid bago nakalapag sa Palanan, Isabela at naibaba ang mga bigas na mula sa pamahalaang panlalawigan.
Puntirya ng TOG2 na matapos sa loob ng tatlong araw ang paghahatid ng mga ayuda ng pamahalaang pnalalawigan sa Divilacan at Dinapigue bilang pag-iingat na rin nila kontra COVID 19.
