Hindi na itutuloy bukas, February 28, ang preliminary conference kaugnay sa petisyong kumukwestiyon sa legalidad ng 2025 national budget.
Mula sa orihinal na petsang February 28, inilipat na ng Korte Suprema sa March 5, alas-9:30 ng umaga ang preliminary conference.
Ito ay magaganap pa rin sa En Banc Session Hall sa tanggapan ng Korte Suprema sa Maynila.
Sa inilabas na abiso ng Mataas na Hukuman, tanging ang mga sumusunod lamang ang maaaring dumalo sa preliminary conference sina dating executive secretary Vic Rodriguez, at iba pa
Dalawang counsel mula sa Kamara, Dalawang counsel mula sa Senado, Dalawang counsel mula sa Office of the Solicitor General na kakatawan kay Executive Secretary Lucas Bersamin.
Ang mga dadalo ay kinakailangang magpasa ng kanilang mga pangalan sa loob ng limang araw mula nang ilabas ang abiso.
