CAUAYAN CITY- Patuloy ang pagdami ng stray animals sa lungsod ng Cauayan na nagiging dahilan na rin ng ilang aksidente sa kalsada
Sa tala ng Cauayan City Command Center, tumataas ang bilang ng mga vehicular accident dahil sa mga stray animals
Alinsunod dito, muling ipagpapatuloy ng Cauayan City Veterenary Office ang pagsasagawa ng panghuhuli sa mga stray animals sa kalsada matapos maantala dahil sa mga nagdaang bagyo
Ayon kay Dr. Ronald Dalauidao, ang City Veterenarian ng Cauayan City, kababalik palang ngayon ng kanilang operasyon ukol dito gayundin ang vaccination sa lahat ng mga alagang hayop
Sinabi rin niya na lahat ng mga mahuhuli nilang stray animals ay dadalhin sa impounding area at kung nais kunin ng may ari ang kanilang mga alaga ay may penalty ang mga ito na kailangang bayaran.
