CAUAYAN CITY– Arestado ang isang maglalako sa isinagawang drug buy bust operation ang pinagsanib na pwersa ng Philippine Drug Enforcement Agency, Quirino at Cabarroguis Police Station sa barangay Mangandingay, Cabarroguis, Quirino.
Ang inaresto ay si Alfredo Alcantara, 42 anyos, tindero, residente ng Saguday,Quirino.
Sa nakuhang impormasyon ng Bombo Radyo Cauayan dinakip ang suspek matapos na positibong makabili ang poseur buyer ng isang sachet na naglalaman ng hinihinalang shabu.
Nasamsam sa suspek ang isang motorsiklo na walang plaka, marked money at isang cellphone na ginamit sa transakyon.
Sa pagsisiyasat ng pulisya, natuklasang kalalaya lamang ng suspek mula sa piitan sa Santiago City dahil sa mga kinasasangkutang kaso tulad ng robbery, carnapping at drug related cases.
Nakapiit na ngayon ang suspek sa Cabarroguis Police Station habang inihahanda ang kasong paglabag sa Republic Act 9165 (Comprehensive Dangerous Drugs Act of 2002).
