𝟐 𝐌𝐨𝐭𝐨𝐫𝐬𝐢𝐤𝐥𝐨, 𝐧𝐚𝐠𝐛𝐚𝐧𝐠𝐠𝐚𝐚𝐧 𝐬𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡𝐰𝐚𝐲 𝐬𝐚 𝐂𝐚𝐮𝐚𝐲𝐚𝐧 𝐂𝐢𝐭𝐲

Nagbanggaan ang dalawang motorsiklo sa kahabaan ng National Highway sa Minante 2, Cauayan City, bandang alas-7 ngayong gabi, Pebrero 15.

Sangkot sa insidente ang isang TMX Honda at isang Honda Click.

Sa panayam ng Bombo Radyo Cauayan, kapwa binabagtas ng dalawang motorsiklo ang southbound lane nang bigla umanong pumasok sa linya ang TMX na minamaneho ng isang rider na hinihinalang nakainom ng alak.

Dahil sa banggaan, kapwa nagtamo ng mga galos at sugat ang mga sangkot.

Dinala ang mga ito sa himpilan ng pulisya kung saan pag-uusapan ang kaukulang danyos at iba pang pananagutan kaugnay ng insidente.