CAUAYAN CITY – Isinagawa dakong alas kuwatro ng hapon kahapon ang opening ceremony ng 2023 Little League Philippines National Finals sa City of Ilagan sports complex.
Magtatagal ang 2023 Little League Philippines National Finals hanggang April 15, 2023.
Sa naging panayam ng Bombo Radyo Cauayan kay City of Ilagan Information Officer Paul Bacungan, sinabi niya na ang mga delegado ay galing sa Luzon, Visayas at Mindanao na binubuo ng 75 team na kalahok sa final leg ng 2023 Philippine Baseball Series.
Nauna nang dumating noong araw ng Sabado ang mga technical team, medical at nursing staff.
Isinagawa ang parada kahapon na nagsimula sa Rizal Park patungo sa City of Ilagan Sports Complex na dinaluhan ng aabot sa dalawang libong indibiduwal.
Naging celebrity guest ang aktres na si Arci Muñoz na nagbigaw aliw sa mga delegado at mga nanood sa opening ng 2023 Little League Philippines National Finals.
