Matagumpay na inilunsad ng NASA ang Artemis II mission, na nagdala ng apat na astronaut sa i10-araw na paglalakbay sa paligid ng buwan. Tumilapon ang rocket mula sa Kennedy Space Center sa Cape Canaveral, Florida.
Kasama sa misyon sina Reid Wiseman, Christina Koch, at Victor Glover mula sa NASA, at si Jeremy Hansen mula sa Canada. Sila ang unang mga taong patungo sa buwan mula pa noong Apollo 17 mission noong 1972, mahigit 50 taon na ang nakalipas. Ito rin ang unang pagkakataon na nailunsad ng Space Launch System ng NASA ang mga astronaut sa kalawakan.
Hindi kabilang sa misyon ang paglapag sa buwan; sa halip, ito ay isang hakbang patungo sa planong lunar landing sa 2028, at sa pangmatagalang layunin ng NASA na magtatag ng base at presensya sa buwan. Sa kanilang pag-ikot sa buwan, maaaring marating ng Artemis II crew ang pinakamalayong distansya mula sa Earth na naabot ng tao.
Plano naman ng NASA na i-stream live ang mga tanawin mula sa kalawakan at ang aktibidad ng mga astronaut sa loob ng Orion capsule habang isinasagawa ang misyon.
