Na-monitor ng Armed Forces of the Philippines (AFP) ang 41 Chinese vessels sa apat na maritime features sa West Philippine Sea mula Enero 1 hanggang 7.
Ayon kay Philippine Navy Spokesperson for the West Philippine Sea Rear Admiral Roy Vincent Trinidad, may 2 People’s Liberation Army (PLA) Navy ships, 3 Chinese Coast Guard (CCG) vessels, at 3 maritime militia vessels na namataan sa Bajo de Masinloc.
Samantala, sa Ayungin Shoal, kabuuang 14 na vessels ang namataan na binubuo ng 6 CCG vessels at 8 maritime militia vessels.
Sa Escoda Shoal, umabot naman sa 13 vessels ang naitala, kung saan 3 ay mula sa PLA Navy, 6 ay CCG, at 4 ay maritime militia.
Habang sa Pag-asa Island, namataan ang 6 na Chinese vessels na binubuo ng 4 CCG vessels at 2 maritime militia vessels.
Ayon kay Trinidad, kapansin-pansin ang pagtaas ng presensya ng mga nasabing Chinese vessels kumpara sa mga naunang datos. Dahil dito, patuloy palalakasin ng AFP ang maritime domain awareness flights at mga pagpapatrolya sa karagatan ng bansa.
