Inanunsyo ng Society of Philippine Entertainment Editors (SPEEd) ang mga nominado sa 8th Entertainment Editors’ Choice Awards (The EDDYS), kung saan nanguna ang Green Bones na may 10 nominasyon.
Nakatakda ang awards night sa Hulyo 20 sa Marriott Grand Ballroom, Pasay City, at mapapanood via delayed telecast simula Hulyo 27.
Tig-anim na nominasyon ang nakamit ng Hello, Love Again, Isang Himala, at Outside.
Maglalaban sa Best Picture ang Green Bones, Hello, Love Again, Isang Himala, Love Child, Outside, at Under a Piaya Moon.
Nominado sa Best Actor sina Vice Ganda, Alden Richards, Dennis Trillo, Joel Torre, Arjo Atayde, Sid Lucero, at Kokoy de Santos, habang kinilala naman sina Marian Rivera, Judy Ann Santos, Jane Oineza, at Shamaine Buencamino sa Best Actress category.
