Kinoronahan bilang 2nd runner up sa katatapos na Miss Pearl of the Orient Philippines 2026 ang pambato ng Quirino Province na si Chrystine Nikolett Montero.
Nangibabaw ang husay, talino, kagandahan at talento ni Bb. Montero sa kompetisyong nilahukan ng 25 kandidata mula sa iba’t ibang panig ng bansa.
Samantala, tinanghal na Miss Pearl of the Orient Philippines 2026 si Lanelle Aira Cajucom ng Nueva Ecija. Nakuha naman ni Shaina-Anne Soliven ng Filipino Community in the United Kingdom ang titulong Miss Pearl of the Orient PH – Culture Ambassador 2026, habang si Jessica Mae Gatungay ng Iloilo Province ang kinoronahang Miss Pearl of the Orient PH – Heritage Ambassador 2026.Itinanghal ding 1st Runner-Up si Marie Alma Dela Cruz ng Tarlac Province.
