Natapos na ang kampanya ni Alex Eala sa WTA 1000 Madrid Open matapos ang kanyang laban nitong Sabado ng gabi.
Tuluyang na-eliminate si Eala sa doubles event kasama ang Turkish partner na si Zeynep Sonmez matapos silang talunin nina Taylor Townsend at Karolina Siniakova sa score na 6-1, 7-5 sa round of 16.
Hindi rin nagtagal ang kampanya ni Eala sa singles matapos siyang mabigo laban kay Elise Mertens, na kasalukuyang World No. 21, sa score na 6-2, 6-1 noong Biyernes ng gabi.
Sa kanyang Instagram post, sinabi ni Eala na nagpapasalamat siya sa kanyang karanasan sa torneo at nangakong babalik na mas malakas.
Kasunod nito, tututok na si Eala sa Catalonia Open na gaganapin mula Abril 27 hanggang Mayo 3 sa Club de Tennis La Bisbal Centre Esportiu sa La Bisbal d’Empordà, Spain.
