CAUAYAN CITY- Nasawi ang isang Highschool Student matapos siyang malunod habang naliligo sa irrigation Canal sa Purok ni Bulan, Ramon, Isabela.
Ang biktima ay si Christian Dave Pablo, 15-anyos.
Batay sa pagsisisyasat ng Ramon Police Station nagkayayaan ang biktima at kaniyang mga kaibigan na maligo sa irrigation canal na madalas naman talaga umano nilang ginagawa.
Anila tumalon ang biktima sa drop kung saan malakas ang agos ng tubig .
Pagtalon ng biktima ay hindi niya nakayanan ang malakas na agos, sinubukan naman siyang iligtas ng kaniyang mga kasama subalit hindi nila kinaya at tuluyang natangay ang biktima.
Pasado alas-3 ng hapon ng matanggap ng PNP ang tawag kaya agad silang rumesponde katuwang ang Rescue Ramon at pasado alas-4 ng hapon ng matagpuan ang katawan ng binatilyo.
Sinubukan siyang isalba at dalhin sa pinakamalapit na pagamutan subalit idineklarang dead on arrival ng kaniyang Attending Physician.
