Nagtala ang national government ng malaking budget surplus na ₱165.4 bilyon noong Enero 2026, higit sa doble ng ₱68.4 bilyon noong parehong buwan noong nakaraang taon.
Ang paglago ay dulot ng mas mataas na koleksyon ng buwis, na umabot sa ₱468.9 bilyon, kung saan ang BIR ay nag-ambag ng ₱358.7 bilyon at ang BOC ay ₱80.9 bilyon.
Bagama’t bumaba ng 12.1 % ang non-tax revenues sa ₱26 bilyon, bumagsak rin ang gastusin ng gobyerno ng 23.9% sa ₱303.5 bilyon dahil sa rescheduling ng transfers sa LGUs at base effect mula Enero 2025.
Matatandaan na nagtapos ang 2025 ng ₱1.58 trilyong fiscal deficit, mas malaki kaysa sa target at nakaraang taon, dulot ng mabagal na paglago ng kita at kakulangan sa koleksyon ng buwis.
Ayon sa Fitch Ratings, maaaring maantala ang plano ng Pilipinas na makamit ang A-level sovereign credit rating kung magpapatuloy ang kawalang-katiyakan sa presyo ng langis.
