Winner na winner ang mga rampa ni Heart Evangelista sa katatapos lamang na Milan Fashion Week, kung saan muli siyang umangat bilang isang international fashion icon.
Maraming international fashion accounts ang nag-tag at nagbahagi ng kanyang mga larawan, kabilang na ang British Vogue, na isa sa pinakaprestihiyosong fashion publication sa mundo.
Pagkatapos ng Milan, balik-Paris si Heart para sa susunod na fashion event. Nagbigay siya ng teaser video na masasabing kakaiba at creative — tampok ang mga clip mula sa kanyang Milan runway walks na may background music ng Thriller ni Michael Jackson. May sayawan, may drama, at may nostalgia, na para bang isang short film o music video ang dating.
Sa kanyang malikhaing presentasyon, naipasok ni Heart ang luxury fashion sa isang cinematic showcase na nagbigay ng bagong kulay sa kanyang pagiging global style star.
