Isang Indian worker ang nasawi habang nasira ang isang gusali matapos na atakihin ng Iran ang isang power at water desalination plant sa Kuwait, sa gitna ng tumitinding tensyon mula sa digmaan ng US at Israel laban sa Iran.
Agad na rumesponde ang mga technical at emergency teams upang ayusin ang pinsala at panatilihin ang operasyon ng planta. Wala pa namang opisyal na pahayag mula sa Iran, ngunit iniulat na malawak ang naging pinsala sa site.
Mula nang magsimula ang digmaan, nakaranas na ang Kuwait ng sunud-sunod na missile at drone attack, kabilang ang mga tumarget sa mga military camp, na nagdulot ng pagkasugat ng ilang sundalo.
Ang tuloy-tuloy na paglala ng tensyon sa rehiyon ay nakaapekto rin sa pandaigdigang suplay ng langis at liquefied natural gas, na nagtulak sa pagtaas ng presyo ng enerhiya at nagdulot ng pangamba sa merkado.
